اللازانيا السخنة من مطبخي بالصور واسفه على التأخير (خاص بالمسابقة )

بسم الله الرحمن الرحيم
السلام عليكم ورحمة الله وبركاته

اهلا بالفتوكات القمرات
اسفه على التأخير
كنت فاهمة اني ممكن اشترك بالموضوع القديم
في المسابقة
لكن كاتي فهمتني اني لازم اعمل موضوع جديد
والتوفيق من عند الله
وكل المتسابقات ماشاء الله لاقوة الا بالله ابدعوا
وبالتوفيق ان شاء الله
بسي استغربت لما لقيت حد منزل التقيي في الموضوع القديم
كل شيئ نصيب يا قمرات
والثواب عند الله لما نفيد اخت لينا في الله
وتعرف الطريقة
اسفه على المقدمة الطوووووويلة وندخل على الوصفة

المقادير
انا هكتب المقادير اللي انا استخدمتها
لكن ممكن الكميه تختلف حسب حجم الصاج
انا استخدمت
11لوح لازانيا (دا اسها من انك تعملي العجينة في البيت واوفر كمان وموجود في اي سوبر ماركت كبير )
3كوبيات بشاميل
كوباية صلصه
نص كيلو لحمه مفرومه متعصجه
4الواح جبنه رومي مش قديمه
او ممكن اي نوع جبنه تاني موتزاريلا او اي جبنه للطبخ
بيضه
الطريقة
اكيد كلنا بنعرف نعصج اللحمه المفرومه (ممكن تضيفي عليها اي خضار مفضل كوسه او سبانخ مثلا )
والبشاميل معلتقتين زبده و3 معلقه كبيرة دقيق ولتر حليب دافي
بعد ما نحمر الدقيق في الزبده بنضيف اللبن الدافي ونقلب كويس
بالمضرب اليدوي ونسيبه يبدا يغلي وبعدين نضيف الملح
اول خطوه بعد كده نجيب الصاج مربع او مستطيل
ندهنه من القاع بمعلقتين صلصة طماطم
وبعدين نرص اللازانيا المسلوقه جمب بعضها (تسلق لمدة 3دقايق
في كميه كبيرة من الماء والزيت ولملح وتسلق على مرتين )
وبعد كده نحط دور لحمه مفرومة
وبعدين نرش عليها شوية صلصة الطماطم وبعدين بشاميل
وبعدين نحط كمان طبقة من الازانيا المسلوقة ونكرر نفس الطبقات تاني وقبل اخر طبقة لازانيا نرص شرايح الجبنه وبعدين نرص الازانيا ونغطي الوش بالكامل بالبشاميل
وندخلها فرن سخن لمدة 20 دقيقه
ونشغل الشوايه في الاخر لمده 5 دقايق لحد ما الوش يتحمر
ممكن تحطي جبنة متزاريلا على الوش او تدهنيه بالبيض
وبعدين نطلعها ونسيبها تبرد لمده نص ساعه وبعدين نقطعها
وناكلها بالف هنااااااااااااا
اسيبكو مع الصور وهنزلها بالترتيب حسب الخطوات

وبألف هنا للي هتعملها

يا رب يا قمرات تعجبكوا وتقيمولي وتردوا عليه
احبكم في الله

اذا اعجبك الموضوع و اردت نشره في المنتديات الاخرى فاستخدمي هذا الرابط:

»

» ذوقي أحلى ساندويتش كفته غير تقليدي من مطبخي (بالصور)
» صينية بطاطس بورية طازة من الفرن بالصور
» ●•♥.. ●•♥ سلطاتي المفضله من مطبخي بالصـور ♥•● .. ●•♥
» المصفوفه بس مش الفيلم الأجنبي لأ دي وصفة أكل من مطبخي وبالصور*
» بالصور جوجل بدأ بتقسيم المواقع