موضوع: يا بنات الرقاق الفلاحى .... بالصور من مطبخى الجمعة نوفمبر 12, 2010 1:53 pm
بسم الله الرحمن الرحيم انهاردة انا جيبالكوا حاجه فلاحى اصيله كانوا زمان لابيعرفوا الفينو ولاغيروا كنت ورايحه المدرسه كنت فاكره ساندوتشاتى عباره عن جبنه ورقاق واعملوا عرايس لانه كان اطرى من الجبنه معلش طولت عليكو الرقاق الفلاحى يا جماعه مفيش احسن منه فى السندوتشات ويا سلام لما تعملى بيه الرقاق باللحمه بدل الرقاق الناشف ويا سلام لو تعملى بيه المسخن الفلسطين انا بعمله لجوزى بيموت فيه بالرقاق الطرى ده كفايه وندخل فى التفاصيل يييييييييلا اول حاجه نحضرنص كيلو زبادى وكوب زيت ووقد ربع كيلو زبده اوسمناو اقل من ربع تانى حاجه تجيبى 2كيلو دقيق وعليهم رشه ملح وبودرودة اختيارى بعد كدة على النار تجيبى الزيت والزبد وتسيحيها وتسيبها تحطى اللبن الزبادى على الدقيق وتعجنى هنا عجناها وبقت عجينه جامدة شويه بعد كدة ودى الاهم نضيف الزبدة والزيت على العجينه ونبدأ نعجن تانى لغايه ما الزيت والزبده يختفوا عشان تطلعلك النتيجه حلوة
زى ماانتو شايفين دابت الزبدة فى العجين ومش باينه خالص غير الريحه الجميله والطعم بعد كدة نفرده عادى ونخبزه فى الفرن
ها يا بنات يارب تكون الطريقه عجبتكم ولا تنسونى بصالح دعواتك انا وبناتى وجوزى الحبيب
وارجو التثبييييييييييييت
اذا اعجبك الموضوع و اردت نشره في المنتديات الاخرى فاستخدمي هذا الرابط: