البشاميل بتاعي لا يمكن يبوظ ابدااااااااااااااااااااااا طريقتي سريه و حصريه

بصوا يا عيال حقولكم علي الطريقه السريه الي تخلي البشاميل ميبوظش ابدا
المبدأالاساسي خليط الدقيق و الزيت او الزبده و اللبن لازم الاتنين يبقوا علي نفس الدرجه يا اما الاتنين سخنين او الاتنين باردين لان سائع و سخن يبقي كلاكيع في الاخر اتفقنا و بما اني اكسل اسخن اللبن لانوا حيوسخلي الحله فقررت ابرد الدقيق و الزيت

كل معلقه زيت قدامها 2 م دقيق
انا صنيتي كبيره
بعمل 3 معالق زيت و واحده زبده علي 8 معالق دقيق
يحمصوا علي النار و يترفعوا من النار و نسيب الحله والخليط يبرد خالص اول ما يبرد نحط اللبن انا بستخدم قليل الدسم بحط لتر ونصف
ونتبل كويس ملح وفلفل و كسبره و كمون ربع معلقه و ثوم وبصل بودره و نولع النار
ونقلب علي شكل حرف8 اتفقنا حيسمك معاكي عالاطول ولا كلكيعه حتلاقيها

العصاج عادي بصل كتير بحط بصله كبيره علي نصف ك لحم مفروم وملح وفلفل و ببشر ثمره طماطم و اعصج علي النار

المكرونه مسلوقه انا بعملها اصداف البحر نصف كيلو لاني مش بحب الاقلام و بحطها بعد السلق والغسيل في الصنيه عالاطول عشان موسخش كتير و احط عليها زيت و ملح وفلفل و طماطم ايطالي المعلبه روعه و خفيفه و بحط عليها العصاج و بقلب انا مش بعمل طبقات و مغرفه بشاميل و نقلب مع بعض و بصب البشاميل علي الوش و ندخل الفرن نصف ساعه
لو تحبي تحطي كريمه لباني مع قليل من البشاميل علي الوش لو عايزه الوش يتحمر حلو

جربوها و ادعولي محدش بيعرف يوقف اكل منها




امانه الي ينقل الطريقه يدعيلي ربنا يشفيني
ويقومني بالسلامه
ان شاء الله انزلكم الصور قريبا